د ښاریانو دروغتیا خوندیتوب په موخه، د لومړۍ ناحیې مسوولانو د خپلو وروستیو څارنو په ترڅ کې د دې ناحیې له بازارونو څخه، ( ۲۲۰۰ ) کیلو ګرامه بې کیفیته خوراکي او غیرخوراکي توکې، چې دمصرف نیټه یې هم پای ته رسیدلې وه، او یو شمېر لوډیسپیکرونه چې د غږیزې ککړتیا لامل ګرځیدلي وو راټول او د له منځه وړلو لپاره ځانګړي ځای ته ولېږدول شول. په راټولو شویو موادوکې، شیدې، قیماق، آچار، دلوبیا او نخودو کنسرو، چپس، چاکلیټ، بسکویټ، شامپو، صابون، ډول ډول غیر الکولي مشروبات او کیچپ شامل وو. له ښاریانو څخه هیله کیږي چې، د خپلو اړتیا وړ توکو د پیرودلو پرمهال د هغو نیټې او کیفیت ته پام وکړي. همدارنګه، ټولو پلورونکو ته سپارښتنه کیږي چې، د بې کیفیته او تارين تېرو توکو له پلور څخه په کلکه ډډه وکړي.