هغه پنځه ورځنی ورکشاپ چې، د کابل ښاروالۍ د ترافيکي چارو د همغږۍ ریاست او د اتمې او شپاړلسمې ناحیو د نویو ګمارل شویو کارکوونکو لپاره، د ظرفیت لوړونې او د رهبرۍ او مدیریت د مهمو مسایلو د پېژندلو په موخه جوړ شوی و،د سندونو په ویشلو. په بریالیتوب سره پای ته ورسید. په دې ورکشاپ کې د زیان منونکو ټکو پېژندلو او هغوی ته رسیدنه، له مراجعینو سره د ښه چلند، د موثریت رامنځته کولو، د مدیریتي او مسلکي مهارتونو د کچې د لوړولو، صداقت او امانتدارۍ، پلان جوړونې، همغږي، رهبرۍ، د فعالیتونو د کنټرول او نورو اړینو مسایلو په اړه د کابل ښاروالۍ د بشري منابعو د ریاست د روزنې او ظرفیت لوړونې آمریت له خوا ګډونوالو ته معلومات ورکړل شول. د دا ډول ورکشاپونو د جوړیدو موخه، د یوې اغیزمنې او خدمتګارې ادارې رامنځ ته کول دي، ترڅو د کابل ښاروالۍ د بیلابیلو څانګو مسوولین ښاریانو ته پر وخت او معیاري خدمتونو وړاندې کولو ته چمتو شي