د ښاریانو دروغتیا خوندیتوب په موخه، د اوومې ناحیې مسوولانو د خپلو وروستیو څارنو په ترڅ کې د دې ناحیې له بازارونو څخه،(۱۵۰۰) کیلوګرامه بې کیفیته خوراکي او غیرخوراکي توکې، چې دمصرف نیټه یې هم پای ته رسیدلې وه، او یو شمېر لوډیسپیکرونه چې د غږیزې ککړتیا لامل ګرځیدلي وو راټول او د له منځه وړلو لپاره ځانګړي ځای ته ولېږدول شول. د اوومې ناحيې رئیس مولوي عبدالغفور غفوري وويل: په راټولو شویو موادوکې، شیدې، قیماق، آچار، دلوبیا او نخودو کنسرو، چپس، چاکلیټ، بسکویټ، شامپو، صابون، ډول ډول غیر الکولي مشروبات او کیچپ شامل وو. له ښاریانو څخه هیله کیږي چې، د خپلو اړتیا وړ توکو د پیرودلو پرمهال د هغو نیټې او کیفیت ته پام وکړي. همدارنګه، ټولو پلورونکو ته سپارښتنه کیږي چې، د بې کیفیته توکو له پلور څخه په کلکه ډډه وکړي