ښاریانو ته د سیمه ییزو آسانتیاوو رامنځته کولو په موخه، د پنځلسمې ناحیې اړوند شپږم ګذر کې دیو فرعي سړک د جوړولو چارې، چې څه موده وړاندي دکابل ښاروالۍ له لورې اودهبیتات دفتر په مرسته پیل شوې وې روانې دي. د پنځلسمې ناحیې رئیس عبدالبصیر خلیلي اخندزاده په دې اړه وویل، دغه سړک چې (۷۵۰) متره اوږدوالی او له (۴) مترو څخه تر(۵) متره سور لري، دلښتیو په ګډون به دنږدې یوې میاشتې په موده کې په معیاري اوبنسټیزه توګه جوړ او ورسره جوخت به د سیمې د اوسېدونکو پر وړاندې ګڼې سیمه ییزې ستونزې حل شي، ځکه یاده سیمه په تېرو وختونو کې له ښاري آسانتياوو څخه بې برخې پاتې وه. د خاورینو سړکونو جوړول، ترانسپورتي آسانتیاوو ته لاسرسی او د سالم ښاري چاپيريال رامنځته کول،کابل ښاروالۍ ته ځانګړی ارزښت لري