د ۱۴۰۲ کال پرمختیايي پلان د پلي کیدو په اړه، دکابل ښاروال مولوي عبدالرشید په مشرۍ تخنیکي غونډه ترسره شوه. په دې غونډه کې چې د کابل ښاروالۍ مرستیالانو او دمرکزي ریاستونو ځیڼو رئیسانو هم ګډون درلود، د تدارکاتو د بهیر د چټکتیا، د تخنیکي سندونو د چمتو کولو، د یو شمېر سړکونو د جوړولو د نویو پروژو د کار د پیل، او د کابل ښاروالۍ د ځینو ریاستونو لپاره د تجهیزاتو او امکاناتو د تمویل په اړه خبرې وشوې او لازم تصمیمونه ونیول شول. په غونډه کې کابل ښاروال اړوندو مسوولانو ته سپارښتنه وکړه چې، د پروژو په پلي کولو او د ښار په بېلابېلو برخو کې د معیاري خدمتونو د وړاندې کولو په موخه دې د تجهیزاتو او امکاناتو د تمویل په برخه کې له هیڅ راز هڅو ډډه ونه کړي. همدا راز کابل ښاروال وویل چې، د ١٤٠٢ کال د پراختيايي پلان په پلي کیدو سره به، د عمومي او فرعي خاورینو سړکونو په برخه کې د ښاریانو یو شمېر ستونزې هوارې شي. د سړک جوړونې د پروژو په پلي کولو کې له کابل ښاروالۍ سره د ټولو ښاریانو مرسته اړینه ده