د پغمان ولسوالۍ د ارغندې په سیمه او څوارلسمه ناحیه کې د وروستیو سیلابونو په پایله کې ولسي وګړو ته زیانونه اوښتي دي. د معلوماتو پر بنسټ په دې طبعیي پېښه کې،د سيمې يو شمير اوسېدونکو ته مرګ ژوبله هم اوښتې ده او ځینې کورونه او کرنیزې ځمکې هم ویجاړې شوي دي. د دیارلسمې ناحیې رئیس محمد حامد امیري وویل، چې کابل ښاروالۍ په دي غم کې ځان شریک بولي. نوموړي زیاته کړه چې، د دیارلسمې او څوارلسمې ناحیو کارکوونکي له نورو ادارو سره په ګډه د زیانمن شویو خلکو د ستونزو د هواري، د زیانمنو سیمو د پاکولو، د څښاک د پاکو اوبو او نورو اسانتیاوو د برابرولو په برخه کې هلې ځلې کوي. ښاغلي امیري د نورو بنسټونو د کارکوونکو د پر وخت راتګ څخه د ستاینې ترڅنګ وویل، چې د دیارلسمې ناحیې یو شمېر اوسیدونکي په خپله خوښه سیمې ته د زیانمنو شویو خلکو لپاره ورغلي او له هغوی سره یې غم شریکي کړې، چې دا د لوړو اسلامي او انساني اخلاقو او افغاني کلتور ښکارندويي کوي