کابل ښاروال مولوي عبدالرشید تېره شپه د کابل په شمال لویدیځ کې د ذاکرین له ښارګوټي څخه تر قرغې سړک پورې، د سړک د جوړولو د پروژې له پلي کیدو څخه لیدنه وکړه او د دغې پروژې د کار په چټکتیا او ښه کیفیت یې ټینګار وکړ. د دغه مهم سړک چارې، چې (۷۶۴۵) متره اوږدوالی او (۳۰) متره سور لري د پنځمې او اوولسمې ناحیو ترمنځ د سړک په اوږدوکې داستنادي دیوالونو ، دسړک غاړې لښتي او دیوه معیاري سړک د نورو برخو په ګډون د کابل ښاروالۍ د کار، ساتنې او څارنې ریاست له خوا پرمخ وړل کیږي. کابل ښاروال اړوندو مسوولینو ته لارښوونه وکړه، چې د دې پروژې د پلي کولو له بېلابېلو پړاوونو څخه دې د کابل ښاروالۍ څارونکي ټیمونه په دوامداره څارنې وکړي، ترڅو پروژه په سمه او معیاري توګه پلې شي. دغه سړک به د کابل ښار اقتصادي او معیاري ودې ته زمینه براره کړي او د سیمې د ترافیکي بهیر د ویش او ترانسپورتي زیربناوو ته د لاسرسي په برخه کې ځانګړی اهمیت لري