ښاریانو ته دآسانتیاوو رامنځته کولو په پار،د شپاړلسمې ناحیې دیوویشتم ګذر په احمدخان کلا سیمه کې د کوڅو جوړولو چارې، د کابل ښاروالۍ له خوا او د ملګروملتونو د پروژوي خدمتونو ددفتر په مرسته پیل شوې. د کابل ښاروالۍ د برنامو او پروژو د تنظیم رياست د پروژو د څارنې آمر انجنير ذبيح الله رحيمي په دې اړه وويل، دغه کوڅې په ټولیزه توګه ( ۱۱۴۸ ) متره اوږدوالی او له (۳) څخه تر( ۴ ) مترو پورې سور لري، چې دلښتیو په ګډون به په بنسټیزه توګه جوړې شي. د یادې پروژې له لارې د سیمې اوسېدونکو ته د کار زمینه برابره شوې، چې په جوړېدو سره به یې په سیمه کې موسمي ستونزې هوارې شي. د يادونې وړ ده، چې، پورتنۍ پروژه په ( ۱۴۰۲ ) کال کې دکوڅو جوړولو څلورمه رغنيزه پروژه ده، چې د شپاړلسمې ناحيې په کچه پلې کېږي