د کابل ښاروالۍ له خوا او د ملګرو ملتونو د پروژوي خدمتونو د دفتر په مرسته، د اوومې ناحیې د شلم ګذر اړوند په موسوي سیمه کې د کوڅو کانکریټ کولو چارې ( ۹۰ ) سلنه مخته تللې دي. د کابل ښاروالۍ دبرنامو او پروژو د تنظیم ریاست د معلوماتو له مخې؛ دغه کوڅې په ټولیزه توګه (۸۰۳) متره اوږدوالی او له (۳) څخه تر(۶) مترو سور لري، چې دلښتي په ګډون به یې چارې ډیر ژر بشپړې، او ورسره جوخت به ځايي اوسېدونکو ته ګڼې ټولنیزې او ښاري آسانتیاوې برابرې شي.د یادونې وړ ده چې، دیادې پروژې له لارې دسیمې یوشمیر اوسیدونکو ته دکار زمینه هم برابره شوې ده