د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د دیارلسمې ناحیې په پنځم او شپږم ګذر کې د (۱۰۷۸) مترو په اوږدوالي د کوڅو جوړولو چارې پیل شوې. د دیارلسمې ناحیې مرستیال محمد خان ایوبي وویل چې، په یاده پروژه کې د شپږم ګذر (۳) او د پنځم ګذر(۷) کوڅې شاملې دي چې، د (۹۵۰۰۰) امریکايي ډالرو په لګښت به د پنځو میاشتو په موده کې په بنسټیزه توګه جوړې او ورسره جوخت به دسیمو د اوسیدونکو پر وړاندې شته موسمي ستونزې حل شي. دغه راز د سیمې اوسېدونکو د کابل ښاروالۍ له پروګرامونو او پلانونو هرکلی وکړ او د یادې پروژې په پلي کېدو کې یې د هر راز مرستې ژمنه وکړه دیادونې وړ ده چې، ددې پروژې له لارې ګڼ شمېر ښاریانو ته کاري بوختیاوې هم رامنځته شوې دي