د پنځمې ناحیې اړوند د شلم ګذر د هراتي سرای شاته او د وردګ بابا جومات ته څیرمه، د(۶) کوڅو جوړولو چارې، د کابل ښاروالۍ له خوا او ملګروملتونو د پروژوي خدمتونو ددفتر په مرسته پېل شوې. د پنځمې ناحیې مرستیال رفیع الله احمدزي په دې اړه وویل چې، ددغو پروژو په جوړیدو سره به، د سیمې داوسیدونکو پر وړاندې شته موسمي ستونزې حل، او ګڼې ښاري آسانتیاوې به ورته برابرې شي. کابل ښاروالۍ هوډ لري چې، دښاریانو ستونزو ته د رسیدنې په موخه، له ښاري آسانتیاوو څخه بې برخې سیموکې ورته پروژې طرحه او پلې کړي. دکابل ښاروالۍ د پروګرامونو او پروژو د تنظیم ریاست د پروژو د څارنې آمر انجینر ذبیح الله رحیمي وویل، چې په یاد ګذرکې به د ویالو په ګډون په ټولیزه توګه، د(۱۳۸۵) مترو په اوږدوالي او له(۳،۵) څخه تر (۴) مترو په سور سره، د نږدې(۹) میلیونه افغانیو په لګښت، د (۱۵۰) کاري ورځو په ترڅ کې،(۶) کوڅې په بنسټیزه توګه جوړې شي. د یادونې وړ ده چې، ددغې پروژې په پلي کیدوسره دسیمې (۱۲۰) تنو ته دکار زمینه هم برابره شوې ده