د شپاړلسمې ناحیې اړوند د شپږویشتم ګذر په الو خېلو سیمه کې د یو فرعي سړک د جوړولو چارې بشپړې، او د کابل ښاروالۍ د پروګرامونو او پروژو دتنظیم رئیس انجنیر میرالرحمن ناصري او د شپاړلسمې ناحیې رئیس مولوي محمد عارف کمالي له لوري، په داسې حال کې چې، د سیمې مشرانو او اوسېدونکو هم حضور درلود ګټې اخیستنې ته وسپارل شو. په دې پرانیست غونډه کې د کابل ښاروالۍ د پروګرامونو او پروژو د تنظیم رئیس وویل، کابل ښاروالۍ د ښار د آبادۍ، ښاریانو ته د هوساینې او د آسانتیاوو د برابرولو په برخه کې پیاوړې اراده لري، په ښار کې وړې او لویې پروژې په ښه کیفیت پلې کېږي، او د کابل ښاروالۍ مشرتابه هغه سیمو ته چې، له ښاري آسانتیاوو بې برخې دي، ځانګړې پاملرنه لري. نوموړي زیاته کړه چې، د لښتي په ګډون دغه فرعي سړک، ( ۶۹۰ ) متره اوږدوالی او( ۴.۵ ) متره سور لري، چې د څه باندې ( ۸ ) میلیونه او ( ۵ ) سوه زره افغانیو په لګښت، د ملګرو ملتونو د پروژوي خدمتونو د دفتر په مرسته، د څلورو میاشتو او پنځلس ورځو په موده کې، په پاخه اوبنسټیزه توګه جوړ شوی دی. همدا راز د شپاړلسمې ناحيې رئیس وويل، چې د رغنيزو پروژو په پلي کېدو سره به د هغو سيمو د اوسېدونکو ډېری ستونزې هوارې شي، چې له ښاري آسانتياوو بې برخې دي، او د شپاړلسمې ناحيې په کچه به هم ورته پروژې پراختیا ومومي. نوموړي له ځايي خلکو غوښتنه وکړه چې، د خپلو سړکونو ساتنې ته ډېره پاملرنه وکړي