د کابل ښاروالۍ د ښاري خدمتونو او چاپیریال ساتنې مرستیال مولوي محمد خالد سجستاني په مشرۍ د غصب شویو ځمکو د پیژندلو او بېرته راګرځولو او ودانیزو سرغړونو ته د رسېدو په اړه تخنیکي غونډه ترسره شوه. په غونډه کې د څلورمې ناحیې اړوند د یو شمېر غصب شویو ځمکو د قضیو په اړه بحث وشو او اړینې پریکړې ترسره شوې. د ښاري خدمتونو او چاپیریال ساتنې مرستیال وویل: هغه ښارګوټي او بلاکونه چې اوس مهال تر لومړنیو څارنو لاندې دي؛ باید ډېر تر پلټنې لاندې ونیول شوي څو، د کمیټې تر تائید وروسته د غصب شویو ځمکو د بېرته راګرځولو کمیسیون ته د نورو اجراآتو په موخه ولیږل شي. ورته مهال د کمېټې غړو د ودانیزو سرغړونو په برخه کې د خپلو تخنیکي څارنو په اړه نظرونه او وړاندیزونه څرګند کړل چې، د ودانیزو سرغړونو د محاکمو تر پرېکړې وروسته به یو پر بل پسې ورته رسېدنه وشي