د قانون د حاکمیت او د چاپیریال له ککړولو څخه د مخنیوي په موخه، په پنځلسمه ناحیه کې د لوړ پوړیزو ودانیو له لوري لښتیو ته د فاضلاب را پرېښودل شوې لارې ویجاړې شوې. د کابل ښاروالۍ د چاپیریالي روغتیا او چاپیریال ساتنې ریاست مسئولان وايي چې، دا کار له وار وار سپارښتنو وروسته ترسره شوی او په نورو ناحیو کې هم پلی کیږي. د پنځلسمې ناحیې د ودانیو یو شمېر مالکانو د کابل ښاروالۍ له سپارښتنو وروسته خپل دفاضلاب سیستمونه اصلاح کړي دي. د ښار په کچه د ودانیو له لوري لښتيو ته د فاضلاب را پرېښودلو سرغړونې ته رسېدنه کیږي او له سرغړونکو سره به جدي قانوني چلند وشي. لښتیو ته د فاضلاب را پرېښودل د چاپیریال او دپاکو اوبو د ککړتیا لامل ګرځي