د کابل ښاروال مولوي عبدالرشید په مشرۍ د اوولسمې ناحیې اړوند په نود یک فامیلیو کې د ښاري بیا پراختیا پروژې پلي کولو په موخه د تخنیکي او فني مسئولانو په ګډون غونډه ترسره شوه. کابل ښاروال ټینګار وکړ چې، په پلاني د غیر پلاني سیمو بدلولو په موخه به د تلپاتې پراختیا له اړخه دا پروژه ډېر ژر پلې شي. د یادې پروژې په پلي کېدو کې به د ښاریانو حقوق خوندي وي او د سیمې اوسېدونکي به ګڼ شمېر زیربناو او ښاري تاسیساتو ته لاس رسی ومومي. د کابل ښاروالۍ کارکوونکي چمتو دي څو غیر پلاني سیمې د خپل ماسټر پلان تر سیوري لاندې راولي او د (ځمکو د تنظیم او بیا پراختیا) کړنلارې له مخې ښار ته پراختیا ورکړي. د یادونې وړ ده چې، له تخنیکي پلانونو جوړولو وروسته به په بیلابیلو سیمو په ځانګړې توګه نود یک فامیلیو کې ګڼ شمېر پروژې پلې شي