د چارو د غوره او پر وخت ترسره کېدو په موخه د کابل ښاروال مولوي عبدالرشید په مشرۍ، د مرستیالانو او د مرکزي ریاستونو او ناحیو د رئیسانو په ګډون د اداري شورا غونډه ترسره شوه. په دې غونډه کې د کابل ښاروالۍ له ملکیتونو د غوره ګټه اخیستنې، د ښاري پلانونو پلي کېدو، د حقوقي او تخنیکي ستونزو د حل، د ګذرونو لپاره د ستندرد ټاکلو، له شته سیسټم څخه په ګټه اخیستلو د جایدادونو د ثبت او یو شمېر نورو ښاري مسایلو په اړه خبرې وشوې او اړینې پرېکړې ترسره شوې. کابل ښاروال ټينګار وکړ چې، د غوره ښاري خدمتونو وړاندې کولو لپاره ډېر کار ته اړتیا ده، نو د یادې ادارې مسئولان دې په خپلو چارو له سره کتنه وکړي او د غوره خدمتونو وړاندې کولو په برخه کې دې اوچت ګامونه پورته کړي