ښاري او ترانسپورټي آسانتیاوو ته د لاس رسي په موخه د پنځمې ناحیې د ۳۷ ګذر اړوند د آغا صاحب جومات په سیمه کې د ۵ فرعي سړکونو کانکریټ چارې په چټکۍ سره روانې دي او ډېر ژر به ګټې اخیستنې ته وسپارل شي. دا سړکونه ټولټال ۱۰۰۰ متره اوږدوالی او مختلف سور لري چې، د لښتیو په ګډون به په بنسټیزه توګه جوړ شي او ورسره جوخت به د سیمې اوسېدونکو ته ګڼ شمېر ښاري آسانتیاوې رامنځته شي. یاده پروژه د کابل ښاروالۍ د پروګرامونو او پروژو د تنظیم ریاست تر څارنې لاندې د ملګرو ملتونو د پروژوي خدمتونو ادارې په ملاتړ پلې کیږي. د یادې پروژې له لارې د سیمې سلګونو کسانو ته کاري بوختیاوې هم رامنځته شوې دي