د ونو او زرغونو سیمو د خړوبولو لپاره له کارول شویو اوبو څخه دګټې اخیستنې په نیت، د یوولسمې ناحیې د بېلابېلو ګذرونو د دوو جوماتونو په انګړکې د زیرمې درې څاګانې وکیندل شوې. کیندل شوې څاګانې د ځمکې لاندې اوبو د پیاوړتیا لپاره په فلټر سره سمبال شوې، چې د فاضله او کارول شویو اوبو له تصفیې وروسته، ترلاسه شوې اوبه د ونو او شنو سیمو خړوبولو لپاره کارول کیږي. دغه څاګانې د کابل ښاروالۍ په غوښتنه د ځایي خلکو له خوا د (۱۰) مترو په ژوروالي کېندل شوې او دغه پروګرام د ځمکې لاندې اوبو د پیاوړتیا او د اوبو په مصرف کې د سپما په پار، د ښار په نورو برخو کې هم پلی کیږي. دغه طریقه کولی شي ونو او زرغونو سیمو ته د اوبو رسولو سربیره، د ځمکې لاندې پاکو اوبو دککړتیا مخه هم ونیسي