د کابل ښاروالۍ د ودانیزو چارو مرستیال انجنیر عامر زمرک یاسر د ۷۷ په نوم د یوه ترکي خصوصي شرکت له استازو سره په لیدنه کې چې، څه موده وړاندې یې د هوايي او څو پوړیزو پلونو د جوړولو طرحه وړاندې کړې وه،د کمپنۍ په سیمه کې د موټرو د یوه پله په ډیزاین بحث او خبرې وکړې. د ودانیزو چارو د مرستیال دفتر د معلوماتو پر بنسټ، یاد شرکت علاقه لري څو، د ودانیزو پروژو په پلي کولو کې له کابل ښاروالۍ سره تخنیکي مرسته وکړي، چې په همدې موخه په لومړي قدم کې په کمپنۍ سیمه کې یو پل ډیزاین کوي او له تخنیکي اسنادو وروسته به یې د جوړولو په اړه اقدام وشي