کابل ښاریانو ته په ترانسپورټي برخه کې د آسانتیاو رامنځته کولو په موخه، د پنځمې ناحیې اړوند، دخوشحال خان مېنې د (ج) برخې نښلوونکي سړک د بایسکیل چلولو لیکو او له ډبرو څخه د پلو لارو دجوړولو چارې روانې دي. یادې پلې لارې او د بایسکیل چلولو لیکې د هېواد له کورنیو تولیداتو څخه په ګټه اخیستلو په معیاري او بنسټیزه توګه جوړیږي. له قلعه وزیر څخه د قرغې- کمپنۍ تر څلوېښت متره سړک پورې ددغه سړک د قیر کولو چارې د(۱۰۸۴) مترو په اوږدوالي او د (۲۰) مترو په سور سره څه موده وړاندې بشپړې شوې دي. اوس مهال یاد سړک د ترافیکو پر مخ پرانیستی دی او د سیمې خلکو ته یې ګڼ شمېر ترانسپورتي، اقتصادي او ټولنیزې آسانتیاوې رامنځته کړې دي