د یولسمې ناحیې مسئولانو په یاده ناحیه کې د زرغونو سیمو د غصب یو شمېر پېښو ته رسیدنه وکړه او د غاصبانو ناقانونه تأسیسات یې ویجاړ کړل. د یوولسمې ناحیې د ښاري پراختیا آمر انجنیر حکمت الله بیدار وویل چې، د یادې ناحیې اوسیدونکو ته له مخکې خبر ورکړل شوی وو، څو له عامه ملکیتونو څخه ناوړه ګټه پورته نه کړي او د خپلو ناقانونه تاسیساتو د ویجاړولو په اړه دې اقدام وکړي. د نوموړي په وینا دوی ښاري قوانینو او مقرراتو ته درناوی ونه کړ، نو د یادې ناحیې له خوایې ناقانونه تاسیسات ویجاړ شول. هیڅ حکمې او حقیقي شخص حق نه لري چې، له عامه ملکیتونو څخه شخصي ګټه پورته کړي؛ د یادې ناحیې غصب شوې زرغونې سیمې بېرته راګرځول کیږي؛ ښه ده چې ښاریان د خپلو ناقانونه تاسیساتو د پاکولو په اړه اقدام وکړي، له دې پرته به له قانوني چلند سره مخ شي