دښاریانو د روغتیا خوندي ساتلو په نیت، د دوولسمې ناحیې د مسئولانو له لوري، د یادې ناحیې له بازارونو څخه د څارنې په پایله کې، ( ۳۶۴۵) کیلو ګرامه بې کیفیته خوراکي او روغتیايي توکي، چې د مصرف نیټه یې هم پای ته رسیدلې وه، راټول او د له منځه وړلو په موخه ټاکلي ځای ته ولیږدول شول. په یادو توکو کې، مکروني شیدې، ملايي، مربا، دلوبیا او نخودو کانسرو، چپس، چاکلیت، بسکویټ، شامپو، صابون، څښاک مواد او یو شمېر روغتیايي توکي شامل دي. له ټولو ښاریانو څخه غوښتنه کیږي چې، د خپلو اړتیا وړ توکو د پیرودلو پر مهال د توکو کیفیت او نیټې ته په جدي توګه پام وکړي، او همدا راز ټولو پلورونکو ته سپارښتنه کیږي، چې د بې کیفیته توکو له پلورلو څخه په کلکه ډډه وکړي