د بادام باغ او باغ بالا ترمنځ د نوي نښلوونکي سړک د جوړولو چارې د کابل ښاروالۍ له لوري پیل شوې. دغه سړک چې (۹۰۰) متره اوږدوالی او (۲۰) متره سور لري، په بنسټیزه توګه به جوړ شي. په لومړي ګام کې به د یاد سړک استنادي دیوالونه او لښتي د ډیزاین له مخې جوړ او پاتې استملاکي چارې به یې هم بشپړې شي. د یاد سړک په اوږدو کې (۹۰) ملکیتونه تر استملاک لاندې چې، مالکانو ته به یې د استملاک قانون له مخې حقونه ورکړل شي. دا سړک څلورمه، پنځمه او اوولسمه ناحیه یو له بل سره نښلوي چې، په بشپړېدو سره به یې له یوې خوا په ترافیکي برخه کې ګڼ شمېر آسانتیاوې رامنځته او بل خوا به د سیمو اقتصادي ودې ته هم زمینه برابره شي