د ریاست الوزرا محترم مقام له لوري د نغدي مرستې په وسیله د د دیارلسمې ناحیې د ښاري نظم کمېټې کړنې وستایل شوې. د یادې ناحیې رئیس محمد حامد امیري وویل چې، دا کمیټه د دیارلسمې ناحیې، امنیتي حوزې، استخباراتو او ترافیکو له مسئولانو جوړه شوې ده او ښاري نظم په برخه کې یې ښاریانو ته د پام وړ آسانتیاوې رامنځته کړې دي. نوموړي زیاته کړه چې، یادې کمېټې ته د ریاست الوزرا محترم مقام له لوري په ټولیزه توګه (۲۰) زره افغانۍ د ډالۍ په توګه ورکړ شوې دي او ترڅنګ یې دکمټې هر غړي ته د دیارلسمې ناحیې له خوا ستاینلیک هم ورکړ شوی دی