د څلورمې ناحیې اړوند دټایمني پروژې دوهم سړک په پنځم ګذر کې، د بهرنیو چارو وزارت د سیاسي مرستیال مولوي شیراحمدعباس ستانکزي او د څلورمې ناحیې د رئیس مولوي عبدالرحمن رباني له لوري په داسې حال کې چې، د سیمې مشرانو او اوسېدونکو یې ملتیا کوله، د یوه جومات د بنسټ ډبره کېښودل شوه. په یادو مراسمو کې د بهرنیو چارو وزارت سیاسي مرستیال د اسلام له نظره د جوماتونو په اهمیت خبرې وکړې او ویې ویل: په هغه سیمو کې چې جوماتونه کم دي، په معیاري توګه به پکې جوماتونه جوړ شي. د څلورمې ناحیې رئیس وویل، دا جومات په (۵۲۵) متر مربع ځمکه کې چې، د کابل ښاروالۍ له لوري ورته ټاکل شوې ده، د یادې ناحیې د اوسېدونکو او دحج او اوقافو وزارت په مرسته په بنسټیزه توګه جوړیږي چې، ورسره جوخت به په دې برخه کې د سیمې د اوسیدونکو اړتیاوې هم پوره شي