له بالاحصار څخه تر کابل - لوګر سړک پورې د کل حشمت خان سړک د جوړولو چارې، د کابل ښاروالۍ دښاري خدمتونو او چاپېریال ساتنې مرستیال مولوي محمد خالد سجستاني او د کابل ښاروالۍ د ودانیزو چارو مرستیال انجنیر عامر زمرک یاسر له خوا د پټۍ په پرې کولو سره پیل شوې. په هغه مراسمو کې چې مشرانو او د سیمې اوسېدونکو ګډون کړی ؤ، د کابل ښاروالۍ د ودانیزو چارو مرستیال ترانسپورتي زیربناوو ته د لاسرسي او د دې سیمې د اقتصادي ودې په اړه خبرې وکړې او وې ویل: دغه سړک (۳۹۰۰) متره اوږدوالی او (۷.۲) متره سور لري، چې د څه باندې (۴۱) میلیونه افغانیو په لګښت به د روان کال تر پایه په بنسټیزه توګه جوړ شي. د دغه سړک په جوړېدو سره به له یوې خوا د اړوندو سیمو اوسیدونکو ته آسانتیاوې برابرې او له بلې خوا به د کابل - لوګر پر سړک د ترافیکو ګڼه ګوڼه کمه شي. په ورته وخت کې د سیمې اوسېدونکو د دغه سړک د کار له پیل څخه خوښي څرګنده کړه او ژمنه یې وکړه چې، د یادې پروژې په پلي کولو کې به له کابل ښاروالۍ سره مرسته کوي