په بازارونو کې د خوراکي او روغتیايي توکو له کیفيت او نېټې څخه د څارنو په لړ کې د پنځمې ناحیې له بازارونو ۶۰۰ کیلو ګرامه تېر وخته او بې کیفیته خوراکي او روغتیايي توکي او ۲۰۰ لوډ سپېکرونه راټول شول. د پنځمې ناحیې مرستیال رفیع الله احمدزي وویل چې، د ښاریانو د روغتیا خوندیتوب په موخه د یادې ناحیې د چاپیریالي روغتیا څانګې څارنې روانې دي. د نوموړي په وینا ښاریان باید د پېرلو پر مهال د توکو نیټې او کیفیت ته پام وکړي. ورته مهال له غږیږې ککړتیا څخه د مخنیوي په موخه په یاده ناحیه کې د لوډسپیکرو راټولولو لړۍ ګړندۍ کیږي. ټول اصناف او فعالیت کوونکي باید په کوڅو او لارو کې له لوډسپیکرو څخه ګټه پورته نه کړي، ځکه د دوی په دې کار سره ګڼ شمېر ستونزې رامنځته کیږي