د پنځمې ناحیې اړوند له کوټه سنګي تر کمپنۍ پورې سړک د فرعي سړکونو د جوړولو چارې چې، څه موده وړاندې د کابل ښاروالۍ له لوري د( ۱۶۵) میلیونه افغانیو په ارزښت پیل شوې وې، لاهم روانې دي. د کابل ښاروالۍ د پروګرامونو او پروژو د تنظیم ریاست د معلوماتو پر بنسټ؛ دا سړکونه په ټولیزه توګه (۱۱۲۸۴) متره اوږدوالی او (۱۰.۷) متره سور لري چې، د پلو لارو په ګډون به یې چارې په معیاري توګه تر راتلونکو (۶) میاشتو پورې بشپړې شي، چې تر دې دمه یې (۳۰) سلنه فزیکي کارونه مخته تللي دي. د دې سړک په جوړېدو سره به د اړوند سیمو ترافیکي حجم ووېشل شي او ورسره جوخت به ښاریانو ته ګڼ شمېر آسانتیاوې هم رامنځته شي