د رحمن مېنې د (E) برخې سړک د جوړولو چارې چې، څه موده وړاندې د کابل ښاروالۍ له لوري پیل شوې وې، په چټکۍ سره روانې دی او تر دې دمه (۳۰) سلنه مخته تللې دي. د کابل ښاروالۍ دبرنامو او پروژو د تنظیم ریاست د معلوماتو پر بنسټ؛ دا سړک د کارته نو له نوي سړک څخه پیل او د ستانکزي تر بلاکونو پورې، (۳۳۰۰) متره اوږدوالی او (۴۰) متره سور لري چې، د بایسکل چلولو کرښو، پلو لارو، ګلدانونو او د یوه معیاري سړک د نورو برخو په ګډون به په بنسټیزه توګه جوړ شي. یاد سړک د کابل ښار یو له مهمو سړکونو شمېرل کیږي چې، چارې به یې تر راتلونکي یوه کال پورې د کابل ښاروالۍ له بودجې څخه د (۱۶۲) ملیونه افغانیو په لګښت بشپړې شي. د دې سړک په جوړېدو سره به له یوې خوا د سیمو اقتصادې ودې ته زمینه برابره او بل خوا به ګڼ شمېر ټولنیزې او سیمه ییزې آسانتیاوې هم رامنځته شي