د کابل ښاروالۍ له لوري او د(AFT) موسسې په مرسته، د برچي سړک په اوږدو کې د (۱۷) تم ځایونو د رنګولو او بیارغونې چارې پیل شوې. د دیارلسمې ناحیې رئیس محمد حامد امیري وویل: د یو شمېر ښاریانو او د وخت مسؤلینو د نه پاملرنې له امله، د برچي سړک په اوږدو کې شته تم ځایونه زیانمن شوي چې، اوس مهال یې د رنګولو او بیا رغونې چارې پیل شوې دي. نوموړي هیله څرګنده کړه چې، ښاریان به له دې وروسته له دغو تم ځایونو څخه په سمه توګه ګټه پورته کوي، ځکه دا د ټولو ښاریانو ګډ ملکیت دی