د ملت او حکومت ترمنځ د اړیکو دپیاوړتیا په موخه، د لومړۍ ناحیې د مسئولینو او د یادې ناحیې د اوسېدونکو ترمنځ د همغږۍ ناسته ترسره شوه. په یاده ناسته کې د لومړۍ ناحیې رئیس مولوي محمد عالم عاصم د مرستې کولو د روحیې په پیاوړتیا او د مسئولیت منلو حس په را ژوندي کولو ټینګار وکړ او ویې ویل: اړینه ده چې، مسئولان د خلکو پرځای غوښتنو او وړاندیزونو ته په خپلو کاري پلانونو کې ځای ورکړي. نوموړي زیاته کړه چې، د کابل ښاروالۍ پلانونه د خلکو د ټولنیزو، اقتصادي او سیمه ییزو ستونزو پر بنسټ جوړیږي، څو د مسئولینو او ښاریانو ترمنځ واټن له منځه یوړل شي او هرڅوک د ښار پر وړاندې خپل مسئولیت ادا کړي. په ناسته کې ګډونوالو په ځانګړې توګه د لومړۍ ناحیې د اوسېدونکو استازو وویل: که چېرته موږ د ښاري نظم په موخه قانون پر ځان پلی کړو او له مسئولانو سره مرسته وکړو؛ په ښاري ژوند کې به هوساینې او آسانتیاوو شاهدان اوسو. د دوی په وینا که چېرته خلک د ښار د امنیت او نورو برخو پر وړاندې د مسئولیت احساس وکړي، د ټولنې ګڼ شمېر ستونزې به حل شي. د ا.ا.ا مسئولین د خلکو پر ځای نظرونو ته درناوی لري او خلک به هم د تل لپاره د خپل حکومت ملاتړي و اوسي