د نرخونو د کنټرول او له احتکار څخه د مخنیوي په موخه، د پنځمې ناحیې د مسئولانو له لوري د یادې ناحیې په بازارونو کې د نرخنامې د تطبیق او چاپیریالي روغتیا له څرنګوالي څخه څارنه وشوه. د یادې ناحیې مرستیال رفیع الله احمدزي وویل: سرغړونکو ته سپارښتنه وشوه چې، له نرخنامې څخه د بیا ځلي سرغړونې په صورت کې به ورسره جدي قانوني چلند وشي. نوموړي غوښتنه وکړه چې، هټیوال او نور اصناف دې انصاف په پام کې ونیسي او توکي دې د نرخنامې مطابق وپلوري. دغه راز ښاغلي احمدزي وویل: مخکې د پنځمې ناحیې ټولو اصنافو او هټیوالو ته خبر ورکړل شوی دی څو، نرخنامه د لیدلو وړ ځای کې وځړوي. د یادونې وړ ده چې، د یادو څارنو په لړ کې د روغتیا ساتنې او نرخنامې د تطبیق له اړخه د پنځمې ناحیې د بازارونو وضعیت مثبت و اروزل شو