د کابل ښاروالۍ د تنظیف ریاست کارکوونکو د وخت او ګڼه ګونې د مدیریت په موخه بریښنایي حاضري نصب او د کابل ښاروالۍ د ښاري خدمتونو او چاپیریال ساتنې د مرستیال مولوي محمد خالد سجستاني له لوري د پټۍ په پرېکولو سره ګټې اخیستنې ته وسپارل شوه. د ښاري خدمتونو او چاپیریال ساتنې مرستیال وویل: د وخت د غوره مدیریت او د کارکوونکو د کنټرول لپاره دې سیسټم ښه پایله درلوده. د نوموړي په وینا دا سیسټم مخکې په نورو ریاستونو کې نصب شوی وو او په وروستیو کې د کابل ښاروالۍ د بشري سرچینو او معلوماتي ټکنالوژۍ ریاستونو په هڅو د تنظیف ریاست د ۱۲۵ مامورینو او ۳۵۴۰ کارګرو لپاره هم نصب شو. د یادونې وړ ده چې، د کابل ښاروالۍ د نورو ریاستونو د کارکوونکو لپاره به هم په نږدې ورځو کې الکټرونیکي حاضري فعاله شي