د ځمکې د سر اوبو د مدیریت په موخه، د اوومې ناحیې په بیلابیلو سیمو کې د بندو لښتیو او کانالونو د پاکولو چارې روانې دي. د اوومې ناحیې رئیس مولوي عبدالغفور غفوري وویل: د کابل ښاروالۍ اړوند کارکوونکي اوس مهال د یادې ناحیې په ۲۵م ګذر کې د بندو لښتیو د پاکولو په چارو بوخت دي چې، له بالا جوی سیمې څخه د بالاحصار په لوري به په بنسټیزه توګه پاک شي. دا لښتي په تېرو کلونو کې د یوشمیر بې مسؤولیته ښاریانو له لوري د کثافاتو اچولو له امله بند شوي وو. د اوومې ناحیې رئیس څرګنده کړه چې، له بده مرغه د یادو لښتیو په اوږدو کې د یو شمېر فرصت غوښتونکو له لوري ناقانونه تأسیسات هم جوړ شوي دي، چې د مسئولینو له لوري به ورته رسېدنه وشي