د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د پنځمې ناحیې په (۲۰م) ګذر کې د (۶) کوڅو د جوړولو چارې روانې دي. د کابل ښاروالۍ د پروژو او برنامو د تنظیم ریاست د پروژو د څارنې آمر انجنیر ذبیح الله رحیمي وویل: دا کوڅې چې، په ټولیزه توګه (۱۳۸۵) متره اوږدالی او (۳،۵ ۴) متره سور لري، دلښتي په ګډون به یې چارې د نږدې (۹) میلیونه افغانیو په لګښت تر راتلونکو دوه میاشتو پورې بشپړې او ورسره جوخت به د سیمې اوسېدونکي ګڼ شمېر آسانتیاو ته لاس رسی ومومي. د یادونې وړ ده چې، د دې پروژې له لارې دسیمې (۱۲۰) تنو اوسیدونکو ته کاري بوختیاوې هم رامنځته شوې دي