د پنځمې ناحیې اړوند له کوټه سنګي څخه تر کمپنۍ چوک پورې سړک د فرعي کرښو قیر چارې پیل شوې. د دغه سړک د فرعي کرښو بنسټیزې چارې چې، څه موده وړاندې پیل شوې وې، اوس په دوه کاري وختونو کې روانې دي ترڅو ډېر ژر بشپړې او ګټې اخیستنې ته وسپارل شي. د کابل ښاروالۍ د برنامو او پروژو د تنظیم ریاست د معلوماتو پر بنسټ؛ دا فرعي سړکونه په ټولیزه توګه (۱۱۲۸۴) متره اوږدوالی او (۱۰.۷) متره سور لري، چې په جوړېدو سره به یې د اړوند سیمو ترافیکي ستونزې حل او ورسره جوخت به ښاریانو ته ګڼ شمېر آسانتیاوې هم رامنځته شي