د کابل ښاروالۍ له لوري د اوومې ناحیې اړوند د چهلستون او پډولې سړکونو سره د نوي نښلوونکي سړک قیر چارې په چټکۍ سره روانې دي او ډېر ژر به بشپړې شي. د کابل ښاروالۍ د برنامو او پروژو د تنظیم ریاست د معلوماتو پر بنسټ، دا سړک (۳۱۵) متره اوږدوالی او (۳۰) متره سور لري چې، د لښتیو، پلو لارو، د بایسکل چلولو کرښو، ګلدانونو او نورو برخو په ګډون یې اوس مهال د قیر کولو چارې روانې دي. دغه سړک به د نږدې (۲۲) میلیونه افغانیو په لګښت تر راتلونکو دوه میاشتو پورې په بنسټیزه توګه جوړ او ګټې اخیستنې ته وسپارل شي. د یاد سړک په جوړېدو سره به د اړونده سیمو اوسیدونکو ته آسانتیاوې رامنځته او د چهلستون بازار په ګڼه ګوڼه کې به د پام وړ کمښت راشي