له کابل ښاروالۍ سره د ښار په بېلابېلو برخو کې د خلکو د ګډون په لړ کې د پنځلسمې ناحیې اوسېدونکو د یادې ناحیې بېلابېلې سیمې له کثافاتو پاکې کړې. د پنځلسمې ناحیې رئیس انجنیر عبیدالله شیرزاد د یادې ناحیې د دیني عالمانو، ګذروکیلانو او ځوانانو شوار له غړو او د یو شمېر خصوصي تنظیفي شرکتونو له استازو چې په دې ګډ کار کې یې برخه اخیستې وه مننه وکړه او ویې ویل: د دې ناحیې بېلابېلې سیمې له کثافاتو پاکې شوي او دا کار په راتلونکې کې هم ترسره کیږي. نوموړي ټینګار وکړ چې، له کثافاتو څخه د پاک ښار درلودلو په برخه کې د ښاریانو دوامداره مرستې ته اړتیا ده. د ښاغلي شیرزاد په وینا ښاریان باید کثافات په عمومي ځایونو، لارو او سړکونو کې ونه غورځوي. د پنځلسمې ناحیې ښاریانو له کابل ښاروالۍ سره د همکارۍ ژمنه وکړه او ویې ویل چې، ښاري نظافت ساتل یوازې د کابل ښاروالۍ دنده نه ده، بلکې په دې برخه کې ټول باید سره یو لاس شي او ښار له کثافاتو پاک وساتي