د کابل ښاروالۍ له لوري ترانسپورټي آسانتیاوو ته د ښاریانو د لاس رسي په موخه د دریمې ناحیې په ۸م ګذر کې د سیلو د دویم سړک د جوړولو چارې پیل شوې. د دریمې ناحیې رئیس قاري قدرت الله امین وویل: د دې سړک په جوړېدو سره به د ښاریانو د خاورو او خټو ستونزې حل او خلک به ښاري آسانتیاوو ته لاس رسی ومومي. د نوموړي په وینا د دې ترڅنګ به د سیلو د دریم او څلورم سړک ترافیکي حجم هم ووېشل شي. د کابل ښاروالۍ د پروګرامونو او پروژو د تنظیم ریاست د خدماتي پروژو د څارنې آمر محمد فهیم دراني وویل: دا سړک ۳۷۵ متره اوږدوالی، ۲۰ متره او ۴۰ سانتي سور لري چې، د لښتي په ګډون به یې چارې د ۹ میاشتو په موده کې بشپړې شي. د یادونې وړ ده چې، د دې پروژې له لارې ګڼ شمېر ښاریانو ته کاري بوختیاوې هم رامنځته شوې دي