د څلورمې ناحیې یو شمېر اوسیدونکو د کابل ښاروالۍ له مسئولانو سره په ګډه د یادې ناحیې اړوند د تایمني پروژې او میوې مارکیټ په سیمو کې له پلو لارو او سړکونو څخه د خنډونه په پاکولو کې برخه واخېسته. دغه راز د یادو سیمو هټیوالو او کراچۍ لرونکو ته سپارښتنه وشوه څو په پلو لارو کې د خپلو توکو په ایښودلو سره د ښاري بې نظمۍ لامل ونه ګرځي. د څلورمې ناحیې رئیس مولوي عبدالرحمن رباني وویل: په یادو سیمو کې ښاري نظم د حمایوي او تقویتي پلانونو په وسیله له سیمه ایزو شوراګانو سره په همغږۍ څارل کیږي. د نوموړي په وینا هېڅ چاته اجازه نه ورکول کیږي چې، په بېلابېلو پلمو ښاري نظم ګډوډ کړي او له سرغړونکو سره قانوني چلند کیږي. د یادونې وړ ده چې، د ښاري نظم عملیاتي پلان په لړ کې له تنظیف څلورلارې او د میوې مارکېټ له سیمو څخه د څارویو پلورونکي هم ولیږدل شول او دغه سیمې د دوی له شتون څخه پاکې شوې