د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د څلورمې ناحیې په ۴م ګذر دسرې مېنې په سیمه کې د سړک جوړولو چارې په چټکۍ سره روانې دي. د کابل ښاروالۍ د پروژو او برنامو د تنظیم ریاست د مسئولینو په وینا؛ دا سړک د لښتي په ګډون (۵۳۱) متره اوږدوالی او (۷) متره سور لري چې د تیږو فرش په بڼه به یې چارې د (۱۱،۱۸۰،۰۰۰ ) افغانیو په لګښت ډېر ژر بشپړې او ګټې اخیستنې ته به وسپارل شي. د تیږو فرش په بڼه د سړکونو جوړېدل سربېره له دې چې له لوړ مقاومت څخه برخمن دي، د ځمکې لاندې اوبو په پیاوړتیا کې هم مرسته کوي. د دې سړک په جوړېدو سره به د سیمې خلکو ته ګڼې ښاري او ترانسپورټي آسانتیاوې هم رامنځته شي