د لسمې ناحیې د بېلابېلو سیمو په بازارونو کې ښاري نظم د ښاري اصولو او مقرراتو له اړخه د دې ناحیې د مسؤلینو له خوا تر څارنې لاندې ونیول شو او سرغړونو ته رسېدنه وشوه. همدا راز ددغو څارنو په لړکې سړکونه او پلې لارې له خپلسریو څخه پاکې او د بېلابېلو اصنافو فعالیت کوونکو ته سپارښتنه وشوه ترڅو له زرغونو سیمو، سړکونو او پلې لارو څخه چې، عامه ملکیتونه دي ناوړه ګټه پورته نکړي. ورته مهال د هوټلونو، قصابانو او ډوډۍ پخوونکو (نانوایانو ) د چاپېریال پاکوالی وارزول شو او سرغړونکو ته د چاپیریال د پاکوالي او ښاري مقرراتو د رعایت په اړه معلومات ورکړل شول. د لسمې ناحیې رئیس مولوي نورالوهاب وویل: له دې وروسته به د دې سیمې نظم ته ډیره پاملرنه وشي او له سرغړونکو سره جدی قانوني چلند کیږي