د اتمې ناحیې اړوند له بالاحصار څخه تر کابل- لوګر سړک پورې د کول حشمت خان سړک د جوړولو چارې چې، څه موده وړاندې د کابل ښاروالۍ له لوري پیل شوې وې،(۴۰) سلنه مخته تللې دي. د یاد سړک د بنسټیزو چارو تر بشپړیدو وروسته به د کانکریټ کولو کار هم ډېر ژر پیل شي. د کابل ښاروالۍ د برنامو او پروژو د تنظیم ریاست د مسئولینو په وینا؛ دغه سړک (۳۹۰۰) متره اوږدوالی او (۷،۲) متره سور لري چې، د (۴۱) میلیونه افغانیو په لګښت به په بنسټیزه توګه د سړو موسم تر را رسېدو مخکې جوړ او ورسره جوخت به د اړوند سیمو اوسېدونکو ته ګڼ شمېر آسانتیاوې رامنځته شي