د کابل ښاروالۍ له لوري او د ملګرو ملتونو د پروژوي خدمتونو ادارې په مرسته، د شپاړلسمې ناحیې په ۲۳م ګذر د قلعه احمدخان په افغان مالګدامونو سیمه کې د کوڅو جوړولو چارې روانې دي. د کابل ښاروالۍ د برنامو او پروژو د تنظیم ریاست د پروژو د څارنې آمر انجنیر ذبیح الله رحیمي وویل: دا کوڅې په ټولیزه توګه (۱۲۸۱) متره اوږدوالی او (۴) متره سور لري چې، د لښتي په ګډون یې (۵۰) سلنه چارې مخته تللې دي او تر راتلونکې یوې میاشتې پورې به بشپړې شي او ورسره جوخت به د ښاریانو پر وړاندې موسمي ستونزې حل شي. د یادولو وړ ده چې، ددغې پروژې له لارې د سیمې ګڼ شمېر اوسېدونکو ته دکار زمینه هم برابره شوې ده