د ځمکې د سر اوبو د مدیریت په موخه، د اوومې ناحیې اړوند په تخنیکم او سرک نو سیمو کې د کانال پاکولو چارې چې، له بده مرغه د کثافاتو اچولو او د فاضلاب لارو را پرېښودلو له امله بند شوی وو، د کابل ښاروالۍ له لوري او د یوه خصوصي تنظیفي شرکت په مرسته روانې دي. د اوومې ناحیې رئیس مولوي عبدالغفور غفوري د یاد کانال په اوږدو کې له میشتو اوسیدونکو غوښتنه وکړه چې، د یاد کانال پاکوالي ته پام وکړي څو د اورښتونو په موسم کې سړکونو ته د اوبو له راختلو مخنیوی وشي. دا په یاده ناحیه کې درېیم لوی کانال دی چې، د کابل ښاروالۍ له لوري د ځمکې د سر اوبو د مدیریت په موخه یې په وروستیو کې د پاکولو چارې پیل شوې دي