په بازارونو کې د توکو له نېټې او کیفیت څخه د څارنو په لړ کې، د دولسمې ناحیې د مسئولینو له لوري د یادې ناحیې له بازارونو څخه څارنه وشوه، چې په پایله کې یې (۱۲۰۰) کیلو ګرامه بې کیفیته خوراکي او د وينځلو توکي،چې دمصرف نېټه یې پای ته رسیدلې وه راټول او د له منځه وړلو په موخه ټاکلي ځای ته ولېږدول شول. په یادو توکو کې، مکروني شیدې، ملايي، مربا، دلوبیا او نخودو کنسرو، چپس، چاکلیت، بسکویټ، شامپو، صابون، د څښاک مواد او یو شمېر د وينځلو توکي او لوډسيېکرونه چې دخلکو د اذيت سبب ګرځيدلي ؤ شامل دي. له ټولو ښاریانو څخه غوښتنه کیږي چې، د خپلو اړتیا وړ توکو د پیرلو پر مهال د هغو کیفیت او نیټې ته په جدي توګه پام وکړي او پلورونکو ته هم سپارښتنه کیږي تر څو دبې کیفیته توکو له پلورلو څخه په کلکه ډډه وکړي