د کابل ښاروالۍ د کار ساتنې او مراقبت ریاست له لوري د دویمې او لومړۍ ناحیې اړوند د اندرابي او تیمورشاهي سیمو د نښلوونکي پله د بیارغونې چارې پیل شوې. د کابل ښاروالۍ د سړکونو او پلونو د بیارغونې آمر انجنیر شریف الله قادري وویل: د یاد پله یو شمېر برخې د وخت په تېرېدو ویجاړې او زیانمنې شوې وې چې، تر تخنیکي او فني مطالعاتو وروسته د یاد پله فرش د چهلستون له خاره تیږو څخه په ګټه اخیستلو بیا رغول کیږي او د دې ترڅنګ یې دواړو خواوو ته کټارې هم رنګ کیږي. د اندرابي او تیمورشاهي سیمو نښلوونکی پل ۴۰ متره اوږدوالی او ۲،۵ متره سور لري چې، د ښار په مرکزي برخه کې د کابل سیند پر سر یو له مهمو پلونو څخه شمېرل کیږي