د کابل ښاروالۍ له لوري د ملګرو ملتونو د پروژوي خدمتونو ادارې په مرسته د دویمې ناحیې په ۶م ګذر قول آبچکان سیمه کې د کوڅو او زینو جوړولو چارې پیل شوې د کابل ښاروالۍ د پروژو او برنامو د تنظیم ریاست د معلوماتو پر بنسټ؛ په دې پروژه کې د کوڅو، لښتي او زینو جوړول شامل دي چې په ټولیزه توګه۸۵۰ متره اوږدوالی او له ۷۰ تر ۱۱۰ سانتي مترو پورې سور لري او چارې به یې د څه باندې یو میلیون افغانیو په لګښت په بنسټیزه توګه تر راتلونکې درېو میاشتو پورې بشپړې شي. د دې پروژې په بشپړېدو سره به د سیمې اوسېدونکي له ګڼ شمېر ټولنیزو او ښاري آسانتیاوو څخه برخمن شي. په غرنیزو او صعب العبور سیمو کې د ښاري خدمتونو وړاندې کول یو مهم فعالیت دی چې، کابل ښاروالي ورته پام کوي