د دوه ویشتمې ناحیې او بګرامیو ولسوالۍ اړوند د ګوسفند درې په سیمه کې د خلیفه دین محمد تر مدرسې پورې د یوه سړک د جوړولو چارې چې، څه موده وړاندې د کابل ښاروالۍ له لوري پیل شوې وې، لاهم روانې دي. د دې پروژې مسئول انجنیر امیرالله وویل: دا سړک(۲۹۳۹) متره اوږدوالی او (۷،۴) متره سور لري چې، د لښتي په ګډون به د (۳۴) میلیونه افغانیو په لگښت په بنسټیزه توګه جوړ شي. نوموړي زیاته کړه چې، د یاد سړک چارې تر دې دمه (۴۰) سلنه مخته تللې دي او هڅه کیږي چې، د سړو موسم تر را رسېدو وړاندې بشپړې شي. د کابل ښاروالۍ عمراني پروژې برابرې پراختیا ته په کتو پلې کیږي، څو ټول ښاریان ترانسپورتي آسانتیاوو ته لاس رسی ومومي. د یادونې وړ ده چې، د پروژې له کیفیت څخه د کابل ښاروالۍ د برنامو او پروژو د تنظیم ریاست انجنیران پر وخت تخنیکي او فني څارنې کوي