په ورځنۍ توګه له کابل ژوبڼ څخه د ښاریانو د لیدنې ترڅنګ په وږي میاشت کې(۵۹۰۰)د ښوونځیو زده کوونکو، ماشومانو او د پوهنتونونو محصلانو له کابل ژوبڼ څخه علمي لیدنه درلوده. د کابل ژوبڼ د ښوونې او روزنې مدیریت لیدونکو ته د ژوو په ځانګړې توګه د حیواناتو، الوتونکو، خزنده ګانو او ماهیانو د ژوند او ارزښت او د کابل ژوبڼ د مدیریت په اړه معلومات ورکړي دي. د کابل ژوبڼ رئیس عزیزګل ثاقب وویل، کابل ژوبڼ د هېواد په کچه یو علمي، څېړنیز او تفریحي مرکز دی چې، د ښاریانو سربېره ترې زده کوونکي، محصلان او د وړکتونونو ماشومان لیدنه کوي او د دوی د علمي کتنې او سفر لپاره مناسب ځای بلل کیږي